ILESIA

La Ilesia San Xuan el Real de L.lamas ta achugada a 2 km de Cochanzo en dirección a Casomera, declarada Monumentu Histórico-Artísticu con fecha 14 de mayu de 1963, que presenta'l románicu —el so estilu primitivu— como'l más relevante. El templu foi citéu nel testamentu del rei asturianu Ordoño I, nel añu 857, y xunto con San Vicente de Serrapiu son los más antiguos del conceyu. Consérvense tosques impostes con piñes y temes vexetales con figures humanes. Ye interesante un calvariu de tradición románica y calter mui popular ubicáu nel llau norte de la nave; les figures son de distintu tamañu y la talla ye mui sumaria y chixeramente policromada.